Neidaw wa dang pteiñ i ku kiwa dang yoh COVID-19 hapoh ka East Khasi Hills District wei kamjooh leh ka Positivity Rate hapoh ka District dang neh ko palat 10%, kamtæ ka District Magistrate hapoh ka Section 144 Cr.PC deilang wa ka Regulation 3 ka Meghalaya Epidemic Diseases, COVID–19 Regulations, 2020 da pynkrehkaam ko da ka CURFEW ha Shillong wa ki thaw khapsor nadooh 5:00 waje i step ka 14-06-21 hadooh 5:00 waje i step ka 21-02-21.
Ki thaw wow krehkaam ka Curfew toh ha waroh ki thaw Municipal ka Shillong, Cantonment, ki Census Town wa em hapoh ka Mawlai Block, ki Census Town wa em hapoh ka Mawpat Block, ki thaw wa em hapoh ka Mylliem Block nadooh Umshyrpi Bridge hadooh 7th Mile, Upper Shillong, Madanrting, Mawblei, Laitkor, Nongkseh, Umlyngka, Lawsohtun wa Mawdiangdiang.
Heipor wa em ka Curfew ha Shillong wa ki thaw wa da kdaw haneiñ, ym chah wow lai hapoh kini ki thaw kamjooh wow mih napoh kini ki thaw wei wow psiah chapoh kini ki thaw. Ki kari wa lai khlem ki Pass daw chah daiñ kuna. Kiwon kiwon kiwa leh pyrchah ye ki wow chah kem.
Ki kaam chna yung wa em ki wakreh pyn ha ki thaw kreh da chah deiwa yoh bor na ka yung krehkaam ka DC.
Ym chah wow pynman ya kiwon kiwon ki jait yalang kamjooh ki bia.
I leh Home Delivery, e-Commerce wa Courier toh katkam ka hukum wa ki kyndon wa da pynmih.
Ki yung krehkaam ka sorkar jylla wa sorkar pyrdi u wai ki katkam ki hukum wa da dep pynmih deiwa pynduna ya ki bru wakreh.
Waroh ki Bank wa ki Post Office u chah u wai ki deiwa pynduna bru wakreh.
Ki yalang hawa em i yap bru u chah wow em 10 ngut donhi ki bru deiwa yoh bor chwa na ka DC.
Ha ki thaw wa em cha baar ka sor Shillong nadooh ka 14-21 tarik u Naiynru, 2021:
Ka NIGHT CURFEW u krehkaam ko hapoh ka Section 144 CrPC nadooh 7:00 waje i miet hadooh 5:00 i step ha ki thaw wa cha palatsor.
Ym chah wow pynman ya kiwon kiwon ki yalang paidbah, ki bia wa ki yalehke Sports.
Ki kaam rep wa ki kaam MGNREGA toh kiwa chah u leh.
I wai ya ki dukan dai marbaam mardih wa kiwi ki jait dukan daw pynbait da ki Sub Divisional Officers (C), Block Development Officers wa ki CCMT.
Ki kaam chna yung wa kiwi ki kaam chna toh kiwa chah u leh deiwa yoh bor na u Sub Divisional Officers (C) wa Block Development Officers. Tangwa ym chah wow lai ki wakreh na iwi i chnong cha iwi.
Ki kari kamai kiwa toh du ki Local Taxi ye u chah hapoh ki Sub-Division da u Sub Divisional Officer (C) ha Pynursla wa Sohra deiwa chah 30% donhi wei du ha ki sngi wa wai dukan lane hawa lai ya ki kaam wym hoi u dam.
I khayi pateiñ wa kiwi ki ri daw pynbait da ki Sub Divisional Officers (C) deilang wa ka DC.
Ki Bank wa ki Post Office u chah u wai ki deiwa pynduna bru wakreh.
Ki yalang hawa em wa yap toh u em du 10 ngut donhi ki bru.
Kani ka hukum toh hajrong ka hukum wa da pynmih da ka Home (Political) Department ynnin ka 11 tarik yow pteiñ ya ki Containment Measures nadooh ka 14 tarik uni u bnai hadooh wa pynmih hukum da kamwi heiwa da e bor ya ki DC wa ki SDO (Civil) wow pynkrehkaam ki ya ka Lockdown ha ki jar jiar ki District wa Sub-Division heiwa ha Shillong ka Lockdown toh kawa krehkaam nadooh ka 5:00 waje i step ka 14-06-21 hadooh 5:00 waje i step ka 21-06-21.
