Jowai: Ka Supreme Court ka ri da pynkynmoo ko ya ki Hospital, ki Police, wa kiwi yow bood ya ki kyndon (guidelines) wa da e ko hei yatoh wa ki bru wa wan cha khmat wow yarap ya ki bru wa takhooh kari næ kiwa chah tyrrah kari.
Ka Supreme Court ka Ri India hei yatoh wa ka mukotduma yong ka “Savelife Foundation v/s Union Territory of India” da e ko i hukom yow ya da ya ki bru wa yarap ya ki wa chem ya i chitom kam ha ki yatyyrah kari dei wa ym em wa ye u kyntait (ignore) ya kiwon kiwon ki kyndon yong ka hukum.
Ki hukum ka Supreme Court da ong wa kammon ki hospital, ki pulit wa kiwi ki tnat sorkar wa kammom u kyrchaan ki ya kini ki bru bha mynsien.
Lada em wa pyntip da ka phone cha ki pulit ya i tyrrah kari, ki pulit ym ye ki u pynbor ya ki u khana ya i pyrtuid, i thaw sah wa kiwi won lada ym kwah kiwa phone u khana. Ye u pynchitom ya kiwa pynbor ya ki u pyntipmit ya kiwa pyntip.
Lada ki wa yarap ya ki wa chem chitom man ki leh kam ki nongsakhi ya iwa jia, ya ki toh u takit ki police du chisein dep itæ ym toh de u pynwit ya ki.
Ya ki doktor ki wym bien u e yarap ya ki bru wa chah tyrrah u pynchitom ya ki hapoh ka aiñ Indian Medical Council (Professional Conduct, Etiquette and Ethics) Regulation, 2002.
Da hukum leh ya waroh ki hospital u pynyoo paidbah ya waroh kini ki kyndon yong ka hukum ha ki ktien English, Hindi waki ki ktien wa klam ki bru ha ki chnong wa em ka hospital. Ya kini ki toh u wah ha ki thaw psiah yong ka hospital.
Ka hospital toh u pynche paidbah ki leh wa ym pan poisa næ ka deposit na ki bru wa wan booh cha hospital ya kiwa mynsoo hei chah tyrrah.
Discussion about this post