Ka hukum rukom pynbait wai dukan ha East Khasi Hills

Shillong: Ka Deputy Commissioner, East Khasi Hills District haka hukum wa pynmih ynne ka 13 tarik da pyntip ko wa waroh ki jait kaam kiwa da chah u wai, ki dukan, ki yung krehkaam u wai ki man-ka-sngi nadooh 8:00 AM hadooh 8:00 PM ha waroh ka East Khasi Hills District wa kynthup yaka Shillong Urban Agglomeration. Tangwa kani ka hukum ym krehkaam ko ya ka Iewduh kawa em ka yong ka hi ka hukum.

Kani ka hukum ym krehkaam ko ya ki yung ki thaw kiwa da pynbna kam ki Containment Area katkam ki hukum wa da dep pynmih daka District Magistrate, East Khasi Hills, Shillong.

Katkam kani ka hukum waroh ki dukan wa em chi thaw lait na kitu kiwa em hapoh ki Containment Area u wai ki man-ka-sngi nadooh 8 A.M. hadooh 8 P.M. man-ka-sngi.

Katwa ya ki dukan wa em ya u Serial Number 1, 3 wa 5 u wai ki haka 14^th, 16^th, 18^th, 22^nd, 24^th wa 26^th September, 2020, ki dukan won kiwa em ya u Serial Number 3, 4 wa 6 u wai ki haka 15^th, 17^th, 19^th, 21^st, 23^rd wa 25^th September, 2020 ha ki Shopping Complex ka MUDA Complex (Police Bazaar), Glory’s Plaza, J. Market, Jivan Ram Complex (Bhutia market), Rapsang Market Complex (Mawlonghat), Municipal Parking Lot (Mawlonghat), Anjalee Parking Lot (29-Cantonment) wa ki yaw Khasi wa em ha wah ka Jaiaw Taxi Stand ha Motphran.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ki Restaurant, Cafe wa kiwi ki thaw dai baam kamjooh kiwa em ha ki National Highway u chah u wai ki man-ka-sngi nadooh 8 A.M. hadooh 8 P.M. wei hap ki wow bood thij ya ki kyndon sorkar.

Ki thaw ah sniooh, ki Beauty Parlours wa ki Saloon u wai ki kamwa jooh, ki yaw wa pynman chisien tayaw lait na ki Border Haats wa ki yaw wa em khappood wa kiwi ki jylla u wai ki katkam ki kyndon wa da booh, kamjooh leh ya ki Hotel kiwa emkaam wow yoh bor chwa na ka Deputy Commissioner.

Ki thaw leh Yoga, Gymnasiums wa ki Cyber Café u wa ki katkam ki kyndon wa da booh kamjooh leh ki Gaming Parlours.

Ka Ward’s Lake, Shillong waka Elephant Falls, Shillong u chah u wai ki du ya kiwa napoh ka jylla deiwa bood ya ki kyndon wa pynmih daka chnat Tourism Department, Government of Meghalaya.

Ki Wholesale wa Retail Pharmacy, ki Clinic ki yong ka sorkar wa ki bru samen, ki, Labs, Veterinary Hospital, Dispensary, Petrol Pumps, Home Delivery & Takeaway of food, Mobile Car Repairing Service wa kynthup ya arngut kiwa chna (Technicians & Mechanics), Courier Services & E-Commerce neibyntwa waroh ki jait mar wa CSCs, ki kaam wa seiñ da ki bru samen kam ki Electrician, IT Repairs, Plumbers, Motor Mechanics ki mistri, Automobile Showrooms, ki Wine Store wa Bonded Warehouse wa ki Fair price Shops (NFSA & Non-NFSA), ki kaam chna yung wa kiwi kiwi kiwa em ha ki thaw wa cha palatsor u wai wei u krehkaam ki man-ka-sngi ha East Khasi Hills District wa kynthup yaka Shillong Urban Agglomeration deiwa yoh bor naka Deputy Commissioner, East Khasi Hills District.

Ha ki thaw wa em cha sor ya ki kaam chna yung wa kiwi kiwi deiwa em ki bru kiwa da kreh chwa kiwa da sah chwa ha District u chah u pteiñ ki yei kaam yong ki, wei ym chah wow wanrah ya ki bru na baar.

Heiyatoh won wa ki Skilled Workforce, Highly Skilled & Professionals, kiwa wanrah ya ki hap ki wow bood ya ki kyndon wa da pynmih daka Political Department kamjooh ya ki Standard Operating Procedures wa ki hukum wa da pynmih daka chnat Labour waka Health and Family Welfare Departments. Daw hap chwa wow yoh bor na u Labour Commissioner, East Khasi Hills District.