Jowai: Kam wow boodien yei chah phah kyrriah ya kiwa chongdai madan ha Iaw Thymme, Ladthadlaboh kiwa da chah kynnoh wa da chim ki yei bynta i thaw pynyieñ kari hadooh wa kiwa kamai kari da haap ki u booh kari cha sarok, ynne ka sngi da chem wa em kiwa ngait ya ka hukum wa da e na ka tnat Traffic ka Jowai Police Station.
Kiwa chongdai da pyntip ki cha u Wyrta wa da chong ki cha i thaw wa da booh thymme ya ki neidaw wa chitom ki u kit ya ki mar ki wah wah neiñ neiñ kiwa haap su bai dai ki kamjooh leh wa i chong cha dien ka Iaw ktah bha ko yei dai i thied ki bru, lada kiwa dang leh pyrchah ya ka hukum dang chong bait ki hei thaw wa khrong ki ha khmat ka Iaw, ki leh daw tur ki cha khmat.
Em leh na kiwa chong dai kiwa dep lai yachem wa ki sahep ka tnat Traffic Police wa u MDC wa pait ya ka yaw ka JHADC.
Neiliang yong ki da paan por ki hadooh wa kut u snem wa rim yow ye u pynbait ya waroh ini.
Wei lada ye ki u booh da u pood wa neiwon hadooh hiewon wa ye kiwa chong madan ye ki u chong, da kmen ki, tangwa kiwa dai pateiñ won ong ki wa lada ym pyrkhat ya waroh hadooh wa kiwa malik ye bait ki u chong katwa ngait ki, da man kamwa leh beiñ ya ki neibhah ki chaniah ki ya ki mar yong ki na ki malik kiwa chong dai hi leh ha jan ka thaw pynyieñ kari.
Kamwa man kattæ dang yang yei rai ka JHADC yeiwa kammon u chong dai ha i bynta wa pynyieñ kari.
Discussion about this post