Ka yalang Joint Peace Committee ha pyrdi ki Pnar wa ki Karbi
Jowai: Daw pynman yalang Joint Peace Committee ha ka 3 tarik u Naikhynde ha Khanduli Forest IB hapyrdi ki bru Karbi wa ki bru Pnar. Ha kani ka ialang daw emlang wa ki bor district iong ka West Jaintia Hills wa ka Karbi Anglong. I thmu iong kani ka yalang toh yow wanrah ia i sniawthooh jingmut ha pyrdi ki nongchnong chnong ki thain khappood Karbi wa ri-lum Jaintia hadien wada mih boon ki kulmar iwa pynman ia ki bru na ka chnong Mukhim, Moojem wa na Myrngi u yut chnong ki.
ka sorkar jylla da kyrpad ko ia waroh ki bru khamtam ia kiwa sah ha khappood wym hoi u chah chakea ha ki khubor wym tikna. Ki bor district West Jaintia Hills leh da ong ki daw pynchitom kat kam ka ain ia kiwon kiwon wa chem wa pynmih ia ki khubor jlaer.
Chna Peace committee ki sein Karbi wa ki sein na Jaintia Hills
Jowai: Ka Peace Committee kawa kynthup ia ka Hynniewtrep National People Federation (HNPF), ka Karbi Student Association (KSA) wa ka Karbi Anglong Khasi Student Union (KAKSU) kawa tip kam ka Khasi Jaintia Karbi Border Peace & Development Committee da kyntu ko ia waroh kiwa yut chnong u liwan biang ki cha chnong ki hadien wa dep chem wa ym em i chah pyniap ki bru Pnar ha kti iong ki Karbi People’s Liberation Tigers (KPLT).
Da maham ki leh ia ki bru wa rah ktien ong ki wei kamjooh leh da kyrpad ki ia ki nong pynmih khubor wa ym hoi u pdiang ia ki khubor wa e ki bru dei wa phone hi eh ki. Toh u pynsakhiat ia ki khubor dei wa lai li sakhi ki da ki hi ia i wa jia.
Kyntait ka JNU wa emkti ko ha i pynkulmar ha Laher
Jowai: U president iong ka JNU u N.N. Shadap ong u wa ka seiñ JNU ym emkti ko ha i pynmih kulmar ha ka chnong Laher kamwa da pynmih khubor ka JYF wa ka JSU. Da ong u wa kini ki sein toh u thooh chwa ki ia ka jingsakhait wa ki sabut wa biang chwa u pynmih khubor ki. Ong u wa kani da pynkulmar ki ia ki paidbah wa boon.
Discussion about this post