U MP ka jylla cha Rajya Sabha, u Dr. WR Kharlukhi da ong u wa da yoh jubab u wa ka ILP em ko, tangwa ym em pynkrehkaam ka hapoh Meghalaya.
Da ong u wa da kylli u yeini hapoh Parliament hajrong i pynkrehkaam ya ka ILP ha Meghalaya, tangwa neidaw wym em yatai yeiwa da kylli u hapoh ka dorbar (Un-Starred Question), da yoh u yei jubab deiwa thoh khlem da ong hao næ o-hoh wow e ya ka ILP, tangwa da yoh donhi ka jubab wa thoh wa ka ILP em ko tangwa khlem pu em e rai wow pynkrehkaam hapoh Meghalaya.
Ha iwi won i liang da pynsñiaw u wa ka jylla em ko du 2 ngut ki MP, wei man iwa eh wow pynkohngooh yeiwa emkaam yong ka jylla, deiwa pynrap wa emkaam wow em i yatylli ki MP na North East yow em i bor wow yaklam.
Hawa kylli, u Dr. Kharlukhi da ong u wa ym ye wow ong lada i dawa daw mankaam ko namo ym man, tangwa da ong leh wa ha Politics chong hei boon paaid wow pyntieñ kamwa man kiwi ki seiñ saiñpyrthai.
Discussion about this post