Uwa e ktien ka Bharatiya Janata Party (BJP) Meghalaya Unit, u Mariahom Kharkrang da ong u wa ki phang yaklam kam ka ILP wa i pynpsiah yaka ktien Khasi haka 8th Schedule daw rap suk ko lada jop ka BJP ha kani ka kynti wa katni.
Da ong u wa lada em ha kawon kawon ka Party kawa yoh wow synchaar wei lada ka Party tynrooh lang ko ya ki phang wa emkaam yow pynsñiaw, ki heh na Delhi leh daw rap ap ki.
Ka Bharatiya Janata Party ka wym pu rai ya u næ ka kyrtong wow yakhun yaka Election MP kawa daw man ha uni u snem, tangwa katkam ka khubor wa da yoh da em kamwa 3 ngut kiwa bna kiwa da kwah wow yakhun yaka Election ka seiñ BJP.
Hajrong i pynsñiaw ka Dr. Fenela L Nonglait wow yakhun yaka Election MP Lok Sabha na Shillong Seat da ka Ticket BJP, u Kharkrang da ong u wa em chooh chooh kiwi won kiwa da paan Ticket tangwa hap wow pait ya kiwa em kyrmen wow jop yow poi cha ka thong.
U Kharkrang da ong u wa ka Party daw jied ko ya u næ ka bru wa em kyrmen u jop wei ya i pyrtuid daw phah cha kiwa yahkhmat ka Party ha Delhi yow e ki yei mynjur hadien wa da bichaar bniah bha.
Discussion about this post