Ka laad pathai khubor ka sorkar pyrdi ka PIB da pyntip ko wa ka India man ko kawi na ki ri kiwa duna dooh kiwa khlaad na u COVID-19 (Fatality Rate) hapoh pyrthai heiwa ynne ka sngi da em kiwa yap 1.93%.
Ka USA da tam ko 50,000 ngut kiwa yap ha ki 23 sngi, ha Brazil 95 sngi wa ha Mexico in 141 sngi. Ha India da chimpor 156 sngi yow poi cha ini.
Kiwa chait ha India da jan poi ki 72% deiwa chait 53,322 ngut ha kini ki 24 kynta wa da dep iwa da pynpoi ya kiwa chait cha 18,62,258 ngut.
Ini i ku kiwa chait da ye leh wow pynduna yei boon kiwa dang em ya uni u khñiang kiwa em katni 6,77,444 ngut kiwa man leh 26.16%.
Ki Test kiwa da dep leh da kynjoh ko 3 klur ngut heiwa da dep Test 2,93,09,703 tylli ki Sample. Ha kini ki 24 kynta da dep leh ya 7,46,608 tylli ki Test.
Ya ini da ye wow leh deiwa pynboon yaki thaw leh Test kiwa em 969 ki Lab sorkar wa 500 tylli Lab ki bru samen kiwa da poi waroh 1469 tylli.
Ki jait Lab man ki kamni ha wah:
- Real-Time RT PCR based testing labs: 754 (Govt: 450 + Private 304)
- TrueNat based testing labs: 598 (Govt: 485 + Private: 113)
- CBNAAT based testing labs: 117 (Govt: 34 + Private: 83)
