Ka India ka ri wa soo tangwa ka ri wa nyngkong wa ye u hiar ha South Pole u Bnai

Ka ri India da man ko ka ri wa soo wa da ye u hiar ha u Bnai hadien ka USA, USSR waka China tangwa ka ri wa nyngkong wa da ye u hiar ha South Pole namo cha wah u Bnai hadien wa u Chandrayaan-2 ym ye u wow leh ya ini i jooh soo snem nachwa neidaw wa haap u khlem da ye u pynim biang oo hanla da poi u ha sla u Bnai.

Kiwi kiwa da hiar ha u Bnai da hiar ki ha bynta wa pyrdi namo ha u Equatorial Belt u Bnai iwa man leh iwa rap suk u leh neibhah hawa phah ya kiwon kiwon ki kari wa lai cha haaw haaw da pynskit chwa ki soodong ka Pyrthai yow yoh bor ki wow lai bait sak cha u Bnai yow hiar bait ha pyrdi u Bnai khlem da hap wow pynkylla luti.

Tangwa ki Scientist ka India da hap ki wow pynkylla luti ya u Chandrayaan-3 yow skit u na khlieh cha wah u Bnai chwa wow pynhiar oo ha sla u Bnai.

U Chandrayaan-3 da hiar u thij kam i por wa da booh itæ 6:04 waje ynne i janmiet hadien wa sdang wow pynhiar oo heipor 5:45 i janmiet.

Related posts

Palat 1.9 lak ngut wa chah ktah nei chlai ka Brahmaputra, yap 2 ngut ki bru

August 29, 2023

La 23 ngut wa yap nei oor ka yingkieñ ha Mizoram

August 25, 2023

Sa iwi wa da ye ki Scientist ka Indian Space Research Organisation (ISRO) wow leh iwa kiwi ym ye ki toh wow pynlut du $75 Million yow leh yeini katwa kawi na ki phlim wa pawnaam ka Hollywood kawa tip kam ka Interstellar da chna ya ka hei lut iwa $165 Million heiwa yeini da yaroh da Elon Musk uwa man leh u heh ka SpaceX kawa em yong ka hi ki Rocket wow pynhær ya ki hajar tylli ki Satellite wa tip kam ki Starlink Satellites.

Kam wow pynkynmoo wa ya u Chnarayaan-3 da pynhær ha ka 15 tarik u Naiynñiaw wei da skit u ya ka Pyrthai hadooh ka 25 tarik hadooh wa yoh bor bha u yow lai hær cha u Bnai heiwa da pynskit ya oo ha u Bnai haka 1 tarik uni u bnai wei suki suki da pynjan oo cha u Bnai nadooh ka 5 tarik wa tip kam ka Lunar Orbit Insertion.  

Kam wow pynkynmoo wa ka Russia ha ka 10 tarik uni bnai da phah ko ya ka Luna-25 yow hiar ha u bnai deiwa pynlut $130 Million wei haka 19 tarik won da haap ko cha u Bnai khlem ye wow leh iyi hadien wym ye u pynsangeh ya ka Engine kawa toh u thang 84 Second tangwa da neh 127 Second.

Da thmu wow pynhiar ya ka Luna-25 ha ka 21 tarik tangwa neidaw wym ye u pynsangeh ya ka Engine da noh ko sak cha u Bnai khlem da yoh laad u pynhiar suki-suki.