Ka Jaintia Got Talent toh kawa pynbiej wei kawa chna poisa donhi, pynbaad kiwa chimbynta

Kiwa chimbynta ha ka yakob wa tip kam ka Jaintia Got Talent-Season 6 kawa dang dep pynkut ha uni u bnai ha Jowai, da wan ki chakhmat yow pynbaad wa kani ka rynsan pynyoo yei sap kiwa napoh Ri-loom Jaiñtia toh ka wym em bood pyn ya ki kyndon yong ka hi, kawa joor i thok, kawa pynbiej bru wei wow chna poisa donhi.

Kini kiwa da wan chakhmat toh ka Iairi Sumer kawa na Panaliar, Jowai kawa chimbynta kam kawa chaad, u Emiki Dkhar uwa na Iongkaluh uwa chimbynta kam uwa rwai, ki R.L. Suchiang Group kiwa na Mooshrot kiwa chimbynta kam kiwa rwai wa u Chiruplang Lyngdoh uwa na Sohkymphor uwa chimbynta kam uwa rwai.

Kini kiwa chimbynta da ong ki wa wot hawa da em ka kyndon wa kiwa chimbynta ha kani ka Jaintia Got Talent ym chah u lai chimbynta ki ha kiwi ki yakob tangwa em le ngut kiwa lai chibynta ha kiwi won ki rynsan yakob ha Shillong wei ha ka kani ka Jaintia Got Talent kawi na ki da yoh ko yei 2^nd Runner Up hanla da tyngkheiñ ko ya ki kyndon wei da toh u Disqualify ka.

Da ong leh wa kani hi kawa yoh 2^nd Runner Up hawa chaad ko haka Grand Finale da bakla ko tangwa da e laad biang ya ka wow sdang biang ko deiwi i wym toh u chah khamtam ha ka Final.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Uwi na kini kiwa chimbynta da pyntip u wa da chah pynbiej u ha kiwa pynman ya kani ka yakob heiwa da yoh Phone u leh u na uwa pynlai ya kani ka yakob uwa da ong wa wot yei sur jop neibynta yong oo da dep pynkhreh.

Wei da ini i chah pynbiej wa daw jop, ki leh kam kiwa chibynta da kreh chitom ki wow dai ya ki Ticket neibynta ka Grand Finale kiwa da kheiñ kam ki Vote heiwa du ha kani ka Final da e ki bor pynlai 40 Book ki Ticket ha uwi pa kawi wa poi Final yow dai kiwa da chongdor Rs. 80,000 waroh kawa Rs. 2000 chi Book wa Rs. 10 chi sla katwa ya kani ka poisa da chim lut cha kiwa pynlai ya kani ka Jaintia Got Talent.

I rukom jied ya kiwa jop man ko 50% na ki Vote wa 50% won na kiwa bichaar namo ki Points wa da e ki Judge. Da kdaw ki leh wa hawa pynbna ya kiwa jop yaka Final ym em khana katwon yoh Vote kiwa jop kamjooh leh ki Points wei hawa saam khusnaam leh ki Judge ym em emlang ki.

Da kyntu ki leh ya kiwa pynman ya kani ka Jaintia Got Talent wow pynyoo lut ki yei Video wa da riñ haka Grand Finale yow yoo ki paidbah yei sakhiat yei bakla kawa yoh 2^nd Runner Up wei hadooh kiwa jop leh bakla ki tangwa ki pteiñ ki wow leh yei kaam ki khlem sangeh wei ini pynyoo wym em biang i rukom bichaar.

Kamtæ da kyntu ki leh ya ki paidbah wow husiar ki ha u snem wow wan wym toh de u chah pynbiej ki.

Da pyntip ki leh wa chwa u lai yaklam ki wa kiwa thoh khubor da khut ki ya kiwa pynlai ya kani ka Jaintia Got Talent wow wan yaklam wa ki tangwa ym bien ki wei da chah maham ki leh deiwa ong ya ki lada wan phi dei kjat daw liwan phi da ka Gypsy wei lada kwah u wan yaklam toh u wan yaklam samen samen ymtoh deiwa yachem deilang wa waroh ki.