Ka JHADC, MCH, wah Myntdu, Thomas Jones Synod College wa kiwi phang rah u Wailadmiki ha ka Dorbar

Ynne ka sngi kawa man ka sngi wa 7 yong ka Dorbar Chna Aiñ ka jylla, neiliang u MLA ka Jowai, u Wailadmiki Shylla da wanrah u ya ki kaam wa yatoh wa ka Constituency wa ka Ri-loom Jaiñtia iwa emkaam wow leh ka sorkar.

Neiliang u Wailadmiki da ong u wa ka sorkar wa katni chimkhia bha ko wow pynku ya i puræ puthi wei kamtæ da pynkynmoo u ya ka wow sdang noh ya ka B.Ed College ha Jowai, wow sdang ya ki Professional College, wei da pynkynmoo u ya ka Engineering College wa thmu ka sorkar wow sdang ha Shangpung wei kamjooh leh wow tipmit ya ka Thomas Jones Synod College kam ka Community College wei wow pynboon ya ki Course ha ITI wa ha Polytechnic.

Heiyatoh wa i chait i khiah da pynkynmoo u yeiwa khana u Montri ka chnat i chait i khiah ha ka dorbar ar snem wa nachwa wow sdang pynkrehkaam noh ya ka Maternity and Children Hospital ha Jowai tangwa hadooh katni ym em u sdang krehkaam ko neibhah wa Civil Hospital, Ialong da khynnia ko wei e chakri ko ya ki 7 lak ngut ki bru na Ri-loom Jaiñtia.

Da kyntu u leh wa emkaam wow yada wei wow pynkhooid ya ka wah Myntdu neibynta ka mynried mankawi.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Wailadmiki da kdaw u leh yei eh i khoo ka Jaintia Hills Autonomous District Council kawa chem chitom ha ka poisa poilaiñ hadooh wa ymye de ko wow su ya ka tulop kamtæ da emkaam ya ka sorkar wow kyruiñ noh ko cha ka Council wow yarap ya ka khamtam hei wow pynmih poisa ko pyn daka yaka hi.

Heijooh i por da kyntu u leh ya ka sorkar wow pynmiat biang ya ka Nan Thadlaskein khnang wow wan ye u riñ biang ya kiwa uiñke suwari.

Chooh chooh da kyntu u leh ya ka sorkar wow pynmiat pynbha ya ki thaw yalehke Sports ha Ri-loom Jaiñtia khamtam ha Jowai kawa man ka thaw wa pyrdi heiyatoh wa i puræ puthi i wow myntoi bha ki khynnah kiwa em sap yalehke.

Da klam u leh hajrong i thong krehkaam wa ong ‘Look South Policy’ wow pynkhlan ya i khayi wa ka ri Bangladesh deiwa pynboon ya ki Border Haats wa ki Land Custom Stations.

U Wailadmiki da klam u leh hajrong ki kaam pynroi kiwa da sahteiñ kiwa kani ka sorkar da kreh biang ko kam ha Jowai nadooh ka Renovation of Jowai Water Supply Scheme (wow pynpoi um na Mynngot), i chna ya ka Iawmusiang Multi Storied Shopping Complex, ka Mini Secretariat, i chna pynheh ya u sarok na Tre-Iongriang cha Muphlang wa kiwi kiwi kiwa da angnood ki paidbah tangwa da sahteiñ ki na ki por ki sorkar warim.