Ka Jingiaseng Samla Assembly wa 32 yong ka Balang u Blei (Ecclesia)

Jowai : Ynne ka sngi da pynkut ya ka Jingiaseng Samla Assembly wa 32 yong ka Balang u Blei (Ecclesia) ha Balang Sohmynting, West Jaiñtia Hills.

Kani ka Assembly da sdang ko nadooh ka 15 tarik uni u bnai wei da pynkut ya ka ynne ka janmiet. Ka matphang yong kani ka Assembly toh “To khmied iala ki khmat, ki lyngkha ki la byrlieh…” John 4:35.

Ha ka miet 15 tarik da sdang ya ka Assembly da ka yaseiñ wow wai ya ka Assembly heiwa da yoh leh yei yalap da u Rev. F. Kharkongor.

Ha ka sngi wa bood won da em ka Bible Study wa ka Bible Quiz iwa da pynbood won da rwai e yaroh yow blai dep neitæ won da ka yaseiñ yalap heiwa da yoh ya ki ktien na u G.D. Myrthong.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ynne ka sngi pynkut won da pynman ya ka yaseiñ duwai hei step iwa da pynbood won sa ki sur e yaroh yow blai hadien ini da em won ka yaseiñ heiwa da yaklam hajrong ka matphang yong kani ka Assembly katkam ka dkhot Bible na u John 4:35 kawa mut wa ym hoi de u pynslem neibhah wa da toh i por wow man ki kristan kam wada yah u blai. Da klam leh hajrong kani ka phang da u Rev. D Nongbet.

Heipor chiteiñ sngi da pynman ya ka yaseiñ yalap kawa da pynlai da u Rev. B Kharkongor heiwa da yoh yei puræ sdang wei duwai na u Smingland Lyngkhoi. Heiwa da yoh yei klam na u Rev. S Khongtim hachwa yei klam da yoh yei rwai na ki 3 tylli ki Choir kiwa na ka Blang Laitnong, Balang Mawlai wa na ka Balang Sohmynting.

U Rev. S Khongtim hei yalap yong oo da klam u chaphang ki kaam ki Apostle, heiwa da ong u wa kam ki Kristan haap leh i yeiwa phah u blai ymtoh u artatien i. Da e nongmuna u leh yow Paul uwa jooh pynchitom ya ki Kristan weiwa hadien wa da kylla wamut u uiñ won ka lapakhot pyn cha oo uwa jooh lai pyrchah yow blai wei pynchlur u leh ya waroh kiwa kreh yei mon i khut u blai kiwa daw yoh leh yei kyrkhu na u blai.

Da pynkut ya kani ka Assembly da ka yaseiñ janmiet ha yungmane ka Balang kawa da pynlai da u Rev. I. Khyriem heiwa da yoh puræ sdang wei duwai na u Rejoice Rynshon wei klam yalap na u Rev. R Nongbri wa ki rwai na ka Balang Ksehpyndeng wa na ka Balang Sohmynting.