U President ka National People’s Party (NPP) Meghalaya, u Prestone Tynsong da ong u wa ka Congress da emkaam ko wow bichar janai bha wei da emkaam leh wow pynchna deiwa joor bha.
Ini i ong u Prestone toh hadien wa ka Congress ym em de ko wot uwi leh u MLA hapoh ka jylla hadien wa u MLA ka Mylliem, u Ronnie V Lyngdoh da psiah noh u cha ka NPP ha ka 30 tarik u bnai wa dep.
Hawa kylli, u Prestone da kyntait u wow klam ware hawa yatoh wa ka Congress ha ka jylla, tangwa da ong u wa emkaam ki wow kreh yow pynchna deiwi.
Hawa kylli won hajrong ki MLA wa AITC wa VPP kiwa em ha ka liang pyrchah, u Prestone da ong u wa ka NPP u pdiang lut ko ya waroh neibhah ka kamra toh kawa heh wei dang em thaw chiboon.
Da ong u leh wa ka NPP ymtoh kawa pynpiah ya kawon kawon ka seiñ saiñpyrthai, tangwa yow pynpoi ya ki kaam pynroi cha waroh 60 tylli ki Constituency.
Discussion about this post