Ka Sur U Paidbah East Jaiñtia Hills District, da pynsñiaw ko yei mynsien wa sñiawsih wa i diaw hadien wa tip ko yei khlaad noh u (L) Tbn. Moris Swer uwa man leh uwi na ki waheh wa paaw bha ka thaaiñ East Jaiñtia Hills District, wei uwa man leh u dkhot Ka Sur U Paidbah EJH wei kam u waheh chnong warim ka chnong Thangskai uwa da khlaad noh u na ka sla pyrthai ynne i step ka 17 tarik.
I khlaad uni u waheh man i i dooh ym du ya ka yung ka sem tangwa wot ya ka thaaiñ East Jaiñtia Hills neibhah wa man u u bru uwa kwah wow kyntu kynrong ya ka thaaiñ East Jaiñtia liang wanang.
Ha kam kini ki por ym em kyntien deiwi tawon neibhah wa u Kynrad uwa booh tip bha u hajrong kini kiyi kiyi waroh, wei daw booh ryngkat ha i ngooh i dem wa u Blai Kynrad u pyntngen, wow kdup u ya ka yung ka sem waroh kam ha kini ki por wei wow pyndap u yeiwa thylli kam ha ini i por wa wan kah u ly’oh wa doom ha ka yung ka sem wei wa uni u waheh u chong ngiah noh u yanom chirup wa u Blai.
Ka Sur U Paidbah EJH da kitbok ko ya ka yung ka sem uni u waheh wow dap wow biang ha i chait i tram wei wow dang roi khamtam wow pteiñ ya ki kaam wa uni u waheh da yahluti u.
Kani toh katkam ka Wyrta na u Dr. Ryngkat Phawa, Chairman, Ka Sur U Paidbah wa u Shitmon Pdang kam u Secretary General.
