Ka Seiñ Kyntu Seiñ Raij 12 Daloi da pynsñiaw ko yei sñiawlem hajrong i khlaad syndet ka Kong Tiewmihpli Lyngdoh kawa na ka chnong Tuber Kmai Chnong, East Jaiñtia Hills District.
Ka Kong Tiewmihpli Lyngdoh toh kawi na ki manbei kawa kreh chongchit bha wa kammon u pynku pynroi yei ngait ha ka Niamtre, da psiah ko kam ka dkhot cha ka Seiñ Kyntu Seiñ Raij 12 Daloi ha u snem 2004 kam ka dkhot wa pura wei ha u snem 2005 hadooh u 2014 iwa mut 9 snem lynter da ksoh ko kam ka Treasurer ka seiñ wei da man ko kawi na kiwa kitkaam ka seiñ kawa chakri hok ya ki kaam wa da pynchet ha ka, kamtæ hadien yong u snem 2014 ter ter hadooh u snem 2021 da man ko kawi na ki manbei wa e buit wa kammon u thooh laad wow pynkha sa kawi ka chnat krehkaam da ka Seiñ Manbei namo ka Women’s Wing ka Sein Kyntu Sein Raij 12 Daloi ha u snem 2020 wei da pynkha ya kani ka chnat ha u snem 2021.
Ka seiñ da thung ko ya ka kam ka Asst. General Secretary ka Seiñ Kyntu Sein Raij 12 Daloi, kamtæ ini i khlaad syndet ka Kong Tiewmihpli Lyngdoh da wanrah ko chiboon i doohnong ya ka Seiñ Kyntu Seiñ Raij 12 Daloi wa ya ka Ri-loom 12 Daloi hi waroh kamjooh ya ka Seiñ Raij Tuber.
Kamtæ neiliang yong ka Seiñ Kyntu Seiñ Raij 12 Daloi da phah ki ya kani ka khubor sñiawsih cha phi kiwa ha yung ha sem yong ka Kong Tiewmihpli wei ka seiñ ka e ko i ngooh i dem ha u Blai Kynrad wow pyntngen ya phi kiwa ha yung ha sem yong ka kamjooh leh ka Seiñ Kyntu Seiñ Raij 12 Daloi u emlang ko chirup wa phi kiwa ha yung ha sem yong ka lada heiwon heiwon i por iwa ka yung ka sem yong ka emkaam ki ya ka seiñ.
Kani toh katkam ka i pynlait khubor u Wh. S. Sari Adviser, Seiñ Kyntu Seiñ Raij 12 Daloi.
