Jowai: Hadien wa mih ka khubor wa ong wa ki pulit da pynpaar bordiñ namo Electric Shock ki oo uwi u khynnah man ko kawa bakla, da ong u SP ka West Jaiñtia u R. Muthu.
Da khana u wa hei sakhiat uni u khynnah da chem ya oo da ki paidbah hadien wa kam u wa chah dat u ha yung wei hadien ini da yah ya oo cha Jowai Child Welfare Officer ynne i step wei da pynman yei takit wei da chem wa oo jooh tooh baam u wa kiwi ki khynnah na ki dukan.
Da yah ya kini ki khynnah chirup wa ki bei ki pa yong ki wow kylli yeiwa jia wei kawi ka manbei da phareb ko wa ki pulit da pynpaar bordiñ ki ya u khon ko.
Hadien ini kiwi ki manbei manpa da pynche ki ya kani ka manbei wa waroh emlang ki chirup wei waroh kini ki khynnah em ki 10-11 ngut. Ya ini i takit da leh da ki pulit kynthai chirup wa ki wakreh ka Social Welfare wa na Child Line.
Ya uni u khynnah da ekti noh cha ka Child Line.
Discussion about this post