Kam chibynta wow pynsñiawthooh chaphang i kjut Tuberculosis (TB), da pynman da ka Street Play da kiwa kreh ka chnat i chait i khiah ha Iawthymme, Jowai ynnin ka sngi kam chibynta ka National Tuberculosis Elimination Programme kawa man ka thong wow pyndooh jait ya ini i kjut.
Lyngba kani ka Street Play da khana ya ki paidbah ya ki dak ki chin i kjut TB, ki laad yada kamjooh ki jait sumaar wa em deiwa ong leh wa iwa emkaam toh wow chem smat yeini i kjut wei i emkaam wow dih tista yei dawai.
Neiliang ka yung krehkaam ka District Tuberculosis Control, West Jaiñtia Hills da pynman ko yei lai e Wyrta cha ki paidbah deiwa pynemkaam da ki kari wa batai chaphang ini i kjut wei da saam leh ki kot lakdop kiwa klam chaphang ini i jooh.
Ynne ka sngi won da pynman yei pynsñiawthooh paidbah ha Yungwalieh ka Dulong deiwa wan chimbynta ki khynnah skur heiwa ka Dr. N Tariang, Medical Officer ka District Tuberculosis Center (DTC) da batai ko yei daw wa pynman ya ka World Tuberculosis Day.
Da khana ko leh ki dak ki chin kiwa yoh TB toh deiwa em ka kyoh kawa neh slem, i mihchit heipor wa thiah wei i rkoh syndet. Wei lada em kam ini da toh u lai mih smat cha ki Doctor neibhah kani ka kjut toh kawa ye u sumaar lada chem smat yei kjut.
Discussion about this post