Hei booddien ya ka FIR yong kawi ka khyllood wa chah slaitbor ha ki 2 ngut ha Malki, neiliang u Superintendent of Police ka East Khasi Hills, u Sylvester Nongtnger da khana u wa kani kawa pynbaad wa chah slaitbor tipmit wei chi lok ko wa uwi na ki kini ki chynrang wei da lai ke ko cha yung u ha Malki.
U SP da ong u wa katkam ka FIR, kani ka kynthai da lai ko cha yung yong uni u lok ko, wei itai wa jia ya ka toh heipor wym em kiwa ha yung u wei hadien da wan poi won sa uwi u khynroo uwa da chah pynbaad wa da leh u yei jooh i kaam.
U SP da khana u wa itai wa jia toh ha ka 29 tarik u Naisaphra wei ha ka sngi wa bood ka 30 tarik da ujor FIR ha Laitumkhrah Police Station wei ha katai ka jooh ka sngi ki pulit da kem noh ki ya uwi katwa ya uwi won da yoh kem na Smit ha ka sngi wa bood.
Hadien wa kini ki 2 ngut da chah kem ki, da rah ya ki cha yung bichaar wei da e bor wow kseh ki hapoh ka Judicial Custody 14 sngi. U SP da ong u leh wa ki pulit da pynkhreh ki ya ka Charge Sheet wow pyndep hapoh 2 bnai katkam ka aiñ.
U SP da kyntu u leh ya ki paidbah wow pyntip wut-wut cha ki pulit lada em kiwon kiwon ki kaam thombor pyrchah ya ki kynthai wa ki khynnah, khnang wa ka aiñ u leh ko ya iwa emkaam ha i por ba biang.
Discussion about this post