Ka Seiñraij Jowai da pynsñiaw ko yei sñiawngooh ya u Governor ka Meghalaya, u Chief Minister, u Chief Justice ka Meghalaya High Court, u Speaker ka Meghalaya Legislative Assembly, u SK Sun MLA, u AL Hek MLA, u S. Shullai MLA wa ya ka yung krehkaam u Chief Secretary ka Meghalaya ya ki khubor e khublei wei kyrkhu ya ka lehniam ki Niamtre ya ka Behdieñkhlam ha uni u snem kawa da pynkut ha ka 11 tarik uni u bnai.
Da e khublei leh ya waroh ki wakreh ka seiñ wa ki dkhot kamjooh ki Dorbar Chnong wa waroh ki khon ka Niamtre kiwa da e yei kyrchaan wa i ya krehlang yow pynman iwa jop ya ka lehkmen ha uni u snem.
Ka Seiñraij da e khublei ko leh ya kiwa yahkhmat niam na ka Shillong All Faith Forum, kiwa yahkhmat ki Sikh, Ram Krishna Mission, Central Puja Committee, Catholic Church, Shillong Muslim Union, Unitarian Church, Buddhist Community, Seventh day Church, CNI Church, Seng Khasi Kmie Shillong, ki Jain wa waroh kiwi ki seiñ niam wa ki NGO kiwa da e yei kyrchaan lyngba ki kyrwoh e khublei heipor wa pynman ya ka lehniam ha ini i por wa em ka khlam COVID-19.
Ka Seiñraij Jowai da e khublei ko leh ya ki bor District, Police Department, PHE Department, PWD Department, MeECL, IPR Department wa ki laad pathai khubor yei kyrchaan yong ki yow pynman ya ka lehkmen kawa jop.
Khaddooh ka Seiñraij Jowai da e khublei ko leh ya waroh kiwa chajan chajngai yow yoh ki dei chait i khiah wa e kani ka lehniam u beh ko ya kani ka khlam wa kiwi ki kaam wa sih hapoh ka pyrthai yow wanrah yei suk i saaiñ wa i ya maya para bru hapoh jylla waka ri waroh kawi.
Ka kyrwoh na u OR Shallam, President ka Seiñraij Jowai.
