Ka L.J. Amusement Spot wa em ha Myntwa Syntu Ksiar, Jowai toh ka thaw wa dang thymme wa ye ki paidbah u lai baamdoh yong chi lok, yong yung yong sem wei ha kani ka thaw em leh ka Park yow lehke chongke ki khynnah kamjooh leh ka nan yow khwe dakha.
Kani ka thaw man ko kawa yoosuk wa pynngaad bha ki soodong sookun wei kawa biang ki yung trep baamdoh, ki paiñkhana, ki thaw noh jhep wei ka umbaam umdih leh kawa khooid.
Neibynta kiwa kwah lai baamdoh ha kani ka thaw i dor ka yung trep wada chna kyrpang toh T. 500 chisien pynemkaam katwa i dor bai tiar bai tar won chong hei emkaam ki bru.
Ha kani ka thaw, ki paidbah ye ki u yoh nadooh ka syiar wa da ri hi heni, u khoo, ki tiar chet, ki jhoor wada thung khlem pynemkam dawai wa kiwi kiwi pyn ha ka kpær wa em ha kani hi ka thaw.
Ki bru wa kwah u leh i khawai khian kam i lehkmen sngikha, da em hi i thaw chet, ki kchu leh wada pynkhreh ha kani ka thaw.
Neitæ kiwa kwah u phah chet baam leh ye ki wow leh wei u pynbiang katkam i por wa emkaam wa kwah ki.
Heiyatoh waka nan khwe dakha, ki paidbah ye ki u khwe khlem su, tangwa yaka dakha wa yoh ye ki u thied pyn cha ki hi namo deiwa pynlait biang hapoh nan.
Neibynta ka Park khynnah won ka bai psiah toh T. 50 samen, wei ki khynnah ye ki u kyndeh katwa ngait.
Yow yoh yei yutip wa bniah hajrong ka L.J. Amusement Spot ye ki paidbah u Phone hu Number- 9436119264 wa 6033098040.
