Ka Langsning kam ka Champion ka Shillong Premier League 2025 deiwa khlem ye ka Mawlai wow jop ya ka Rangdajied

Ka Langsning da man ko kam ka Champion ka Shillong Premier League 2025 hadien wa ka Mawlai ym ye kow pynrem ya ka Rangdajied United heiwa da kut ka yalehke wa khaddooh kani ka samoi da 1-1 ynne i janmiet.

Ka Langsning da pyndep ko ya ka yalehke wa khaddooh yong ka ha ka 14 tarik uni u bnai wei da hap wow yang iyi wa jia ha ki ar tylli ki yalehke heiwa ka Shillong Lajong ym ye ko wow pynrem ya ka Nangkiew Irat kawa da kut da 0-0 wei ynne won ka Mawlai ym ye ko wow jop ya ka Rangdajied.

Ya ka Trophy daw saam won ha kini ki sngi wow wan. 

Ka Langsning da yoh ko 20 Point, ka Lajong hei wa ar da 19 Point katwa ka Mawlai hei wa le deiwa yoh 19 Point hi. Kani da man ko ka sien wa le wa ka Langsning da jop ko ya ka SPL hadien wa jop ha u snem 2017 wa 2018. Ynnin u snem da yoh ko hei ynru.

Related posts

Ha ka 21 tarik u yachem ka India wa ka Iran ha Shillong kam chibynta ka Tri-Nation Women’s Football Tournament

October 20, 2025

Sdang ka Super Division ka EJHDFA deiwa yoh uwi u thap 5 kool

October 20, 2025

Ha ka yalehke ynne, ka Mawlai da thap nyngkong ko ha ka minit wa 50 lyngba u Ricky Chyne katwa ya ka Rangdajied da thap ha ka minit wa 58 da u Pasborlang Khonglikong.

Kiwa em ha ka Top-6 ka SPL ha uni u snem, kitæ ka Langsning, ka Lajong, ka Mawlai, ka Nangkiew Irat, ka Rangdajied wa Sawmer da yoh ki wow psiah cha ka Shillong Super Cup. Ka Langsning kam ka Champion wa ka Lajong kawa em hei wa ar da yoh ki psiah sak cha ka Semi Final katwa kiwi daw hap ki wow yaleh ya ka Playoff.

Ya ki tarik daw pynbna won hadien.