Jowai : Chirup wa ka jylla waroh ka wi, ha Jowai leh da leh warom ko ya ka Meghalaya Day deiwa pynman ya ka yalang ha District Library Auditorium, Mynthong heiwa u R. Syngkon, MLA da man u kam u kongsan wei da emlang leh u A. Laloo, (Rtd) Inspector of School kam u symbood kongsan.
Kam chi bynta ka lehkmen ha kani ka sngi da wai ya ka scheme ‘Walang’ (Worthy Approach to Livelihood Access Network for all Genders) Piggery Model Project kawa pynkrehkaam da ka tnat Animal Husbandry & Veterinary Department, West Jaiñtia Hills District wa ka MGNREGA ha Laskein Block C&RD Block. Da saam ya ki Work Order cha 52 ngut ki bru yow sdang ki u chna ya i trep sniang.
U D.M Wallang, i/c Deputy Commissioner, West Jaiñtia Hills District, u S.C. Laloo Additional Deputy Commissioner, ka B. Blah, BDO Thadlaskein, ka H.M.L Kynta, Extra Assistant Commissioner, u Inspector D.H. Pde, Officer In-charge Traffic Jowai Police Station, u Dr. C. Shylla, Deputy Director Animal Husbandry &Veterinary Department, Meghalaya Shillong wa kiwi ki sahep sorkar da emlang ki ha kani ka sngi.
U kongsan ha kani ka sngi da kyntu u ya ki paidbah wow man ki kiwa chong chnong wow ya krehlang ki wa ka sorkar yow pynku ya ka jylla waroh ka wi. Da kyntu u leh ya waroh kiwa kreh sorkar yow kreh chitom nei bynta ki paidbah khatam ya kiwa wan na nongkyndong.
U Dr. C. Shylla, Deputy Director, AH &Vety, Department, Meghlaya Shillong leh ha kani ka sngi da batai u leh chaphang ka scheme Walang deiwa ong wa ya kani ka scheme da yarap poisa ka sorkar 60%, 30% u man ko ka ram wa chim na ki bank wei 10% toh ka poisa wa sai kiwa yoh myntoi donhi.
Da ong u leh wa yooluti wa deiwa em kani ka scheme daw yarap ko ya kiwa boon wow pynku ya ka yoh ka kot yong ki kamjooh leh yow pynboon ya i doh sniang cha yaaw cha hat wei da kyntu u leh ya kiwa yoh myntoi na kani ka scheme yow wan mih ki cha ka ophis sorkar yow yoh ki ya i sumaar ya ki mrad wa ri ki.
U D.M. Wallang, i/c Deputy Commissioner, WJHs hei klam yong oo da ong u wa ka district dang ku bha ko cha khmat ha kiwa boon ki liang khamtam yei pynkrehkaam ya ka MGNREGA kawa da tipmit leh yeini da ka sorkar pyrdi. Kamtæ da yooluti wa ya kani ka scheme Walang leh daw ye u pyrkrehkaam bha ya ka.
Discussion about this post