Jowai: Ka Synjuk ki Dorbar Shnong Shangpung, West Jaiñtia Hills District hei ya krehlang wa ka Laskeiñ C&RD Block da kynmoo burom ko yei dap 72 snem i yoh laitlooid ka ri namo ka “Independence Day” ha madan Hula, Moosyiem heiwa u Nujorki Sungoh, MLA uwa man leh kam u Chairman Meghalaya Economics Development Council da man u kam u kongsan.
U Nujorki da pyhær u leh ya ka lama le rong ka ri, hadien ini da pynbood sa ya i rwai National Anthem.
Ha kani sngi da em leh ka March Pass wa da chimbynta da ki 22 tylli ki skur waphær waphær ka chnong Shangpung wei da pynphooh pynphieñ chooh chooh ya kani ka sngi da ki rwai wa ki yaleh Drill wa da chimbynta da ki khynnah skur.
Haka March Pass ka Shangpung Presbyterian Higher Secondary School da wan ko hei nyngkong, da yoh wa ar da ka Clearwater UP School wei yei wa le da yoh ka Shangpung Govt. UP School.
Ha kani ka sngi ka Synjuk ki Dorbar Shnong Shangpung da chim ki leh ya ka bynta wow pynkup burom ya ki khynnah kiwa da pass bha ha ka exam SSLC wa HSSLC.
Discussion about this post