Jowai : Ka People’s Welfare and Development Society chirup hei kreh lang wa ka office Block Resource Centre Thadlaskein Block da kynmoo ko ya ka sngi wa kyrpang yong ki bru wa em i duna ha Loompyrdi, Mihmyntdu ha ka 3 tarik uni u bnai. Ha kani ka sngi da wan chim bynta kamwa 45 ngut ki khynnah wa em i duna na kylleiñ ka Block Thadlaskeiñ kamjooh leh wa kattu katni ngut na ka Block Laskeiñ. Ha kani ka sngi da sdang da ki yalehke kam ka yakniehchuki, tympiah balloon pyllah, wa kiwi kiwi.
Ha i yalang wa tbian da yoh ya i klam na ka M. Momin kawa man kam ka Resource Teacher for Disabilities SSA, da yoh leh ya i klam pynchlur na ka kong Balency Jyrwa, ka wi na ki manbei ka wa em u khon wa em i duna hei bor pyrkhat, ha i klam yong ka da khana ko ya i parom yong u khon yong ka u wa dang purae MA Philosophy ha NEHU, du i maya, i por wa i yaichah na ki bei ki pa yow ye u pynku ya ki chaphrang.
U ma T. Sawian u wa man u Cief Guest ha kani da sngi da ban joor u wym hoi u dooh kyrmen ki bei ki pa toh u man ki wa chim khia hei liang i puræ puthi yong ki khon ki wa em kam chitom kam kini ki rukom.
Da pynkut ya kani ka sngi da i saam prize cha ki wa jop ha ki yalehke bood won sa i yabaam ja wa i saam bai kari ya ki wa wan na palat ka Jowai.
Discussion about this post