Ka 5th Invitation Cash Prize Football Tournament 2024 wa pynman da ka Mait Shaphrang Sport Club, Mowtyrshiah ha madan Wahtiniang Mowtyrshiah kawa da sdang nadooh ka 30 tarik u Naisphra 2024 deiwa wan chimbynta 16 tylli ki liang, u poi noh ko cha wakut ha ka 30 tarik uni u bnai da yakhun Final hapyrdi ka Rymbai Shkenshynriah SC, East Jaiñtia Hills wa ka Ehrngiew FC, East Khasi Hills.
Ka yalehke u sdang ko heipor 1:00 waje i sngi wei ka bai psiah man ko Rs. 100 samen.
Ka liang wa jop Final u yoh ko Rs. 4 lak katwa kawa rem won u yoh ko Rs. 2 lak.
Kani ka sngi pynman ya ka yakhun Final u man ko leh kam ka yaaw Fete heiwa daw pynkhle leh ya ka Lucky Draw wei da em leh ka Housie.
Ki Prize ka Lucky Draw waroh dapoi ki Rs. 8 lak kiwa man kamni wei daw pynkhle hadien wa kut ka Final:
1st Prize- Rs. 2,00,000
2nd Prize- Rs. 1,40,000
3rd Prize- Rs. 1,20,000
4th Prize- Rs. 1,00,000
5th Prize- Rs. 80,000
6th Prize- Rs. 60,000
7th Prize- Rs. 40,000
8th Prize- Rs. 30,000
9th Prize- Rs. 20,000
10th Prize- Rs. 10,000
Heipor miet daw em ar tylli ki Housie kiwa dapoi palat Rs. 4.5 lak ka poisa.
Heipor 7:00 waje daw em ka Housie kawa dei e mynkna ki Card heiwa ka 1st Prize da man ko Rs. 5000 katwa ka 2nd Prize won Rs. 2000.
Nadooh 10:00 waje i miet won daw em ka Bumper Housie heiwa ka 1st Prize man ko Rs. 2,50,000, ka 2nd Prize Rs. 1,00,000, ka 3rd Prize Rs. 50,000. Ki Line wa 5 tylli toh mar Rs. 10,000 uwi. Ka dor Ticket man ko Rs. 1000 chi Card.
Ha kani ka yalehke Final, ka pynkhle Lucky Draw wa ki Housie daw wan wow riñ Video da u Code Freeman wa ka Sooki Suchiang wei daw pynyoo paidbah ha ki YouTube Channel yong ki waroh ar ngut.
Discussion about this post