Ka Lympung ka Sengkhihlang kawa 35 u man ko ha Seng Khasi Laitryngew

Ka Sengkhihlang kamwa jooh pynman ko ya ka Lympung ka yong ka man-u-snem, kamtæ ya myntu u snem ka Sengkhihlang daw pynman ko ya ka Lympung wa 35 ka yong ka ha ka Seng Khasi Laitryngew kawa haap hapoh ka Seng Khasi Sohra Circle.

Ya kani ka Lympung u sdang ko nadooh ka 18-04-25 wei u kut ko ha ka 20-04-25 ha Laitryngew. Ya u Moopynyieñ Sahnaam kani ka Lympung daw rah ya oo na ka Seiñ Raij Umladkhur, War Jaiñtia ha ka 18-04-25 wei ka luti wow rah ya oo toh na Umladkhur, Demthring, Sohmynting, Moodymmai hadooh wa poi u cha Laitryngew. Ka por wow mih toh nadooh 7:00 waje i step.

Kamtæ ka Sengkhihlang da khut ko ya phi waroh ka Bri u Ynñiaw Trep Ynñiaw Skum na ka chnat Seng Khasi wa Seiñ Raij waphær waphær wow ya wan phi cha katai ka Lympung ka Sengkhihlang.

Ha kani ka Lympung daw yoh phi chiboon i kyntien sneiñ, i kyntien khroo na ki waheh wasian kiwa yahkhmat yong ki chnat Seng Khasi wa Seiñ Raij waphær waphær, heijooh i por leh ka Sengkhihlang da khut ko ya phi ki Dolloi, ki Syiem wa ki President, ki Secretary yong ki chnat Seng Khasi wa Seiñ Raij waphær waphær wow ya wan chimbynta phi cha kani ka Lympung.

Related posts

Ha ka Behdieñkhlam ka Raij Mukhla lyngba ka Internet sakhi u Montri ka sorkar pyrdi, wai u leh ya ki kreh wa chongdor Rs. 1.93 klur

August 31, 2025

Pynskem Unit ka Seiñ Kur Suting ha chnong Moosakhia

August 31, 2025

Kani toh katkam i pynlait khubor u S. Sari Publicity Secretary ka Sengkhihlang.