Ka Joybell Suiam Memorial Trophy kawa man leh ka 2nd Division Tournament 2025 ka Thadlaskein Sports Association (TSA), dapoi ko cha ka yakhun Final ynne ka sngi hapyrdi ka Maia Club Umjalasiaw wa ka Bamkamar.
Ha kani ka yalehke ka Maia Club Umjalasiaw da jop ko ya ka Bamkamar da 3-1.
Ya ka Maia Club Umjalasiaw da thap kool da u Gabriel Siangshai ha ka minit wa 10 wa u Leimiki Dkhar ha ka minit wa 61 wa 70 katwa ya ka Bamkamar da thap da u Dlansing Mylliem ha ka minit wa 36.
Yei naam Best Player wa yei naam wa Top Scorer da yoh u Leimiki Dkhar katwa yei naam Best Goalkeeper da yoh u Dame Dkhar kiwa waroh na Maia Club Umjalasiaw.
Ka Maia Club Umjalasiaw kam ka Champion da yoh ko ya ka song poisa wa Rs. 40,000 katwa ka Bamkamar da yoh ko Rs. 20,000 wei da yoh ki leh wow ku cha ka 1st Division ha u snem wow wan.
Ya kani ka Final da wan wow sakhi da u Jesse Suiam, EM ka JHADC deiwa emlang u Kmenlang Shylla President ka TSA wa kiwi de ki dkhot kam u Mutshwa Thabah, Vice President, u Ebormi Lyndoh, General Secretary, u Pyrkhat Lamare, Treasurer deilang u Secretary chnong ka chnong Wahiajer, u Andriew Sari.
Discussion about this post