Ka Manipur da man ko ka jylla kawa 4 ha ka ri wow pyndep ya ka “Urban Local Bodies (ULB)” namo wow pynkylla ya i rukom krehkaam ki chnong katkam ki kyndon ka Department of Expenditure, Ministry of Finance ha ka chithi wa pynmih ha 17 Naisan 2020.
Deiwa pyndep yeini, ka Manipur daw ye ko u yoh yarap hadooh T. 75 klur lyngba ka Open Market Borrowing katkam wa ebor ka Department of Expenditure ha ka 11 tarik uni u bnai.
Kiwi ki jylla kiwa da ye u pyndep yeini toh ka Andhra Pradesh, Madhya Pradesh wa Telangana heiwa manda dep ya ka Urban Local Bodies Reform chirup wa ka Manipur kini ki jylla u ye ki wow yoh yarap hadooh T. 7,481 klur.
Kini ki jylla wa ka poisa wa ye ki u chim man ki kamni ha wah:
| Sl.No. | State | Amount (Rs in crore) |
| 1. | Andhra Pradesh | 2,525 |
| 2. | Madhya Pradesh | 2,373 |
| 3. | Manipur | 75 |
| 4. | Telangana | 2,508 |
I pynkylla ya ki Urban Local Bodies toh wow pynkhlan ya ki ULB ha ki jylla khamtam ha i bor poisa poilaiñ khnang wow ye ki u e chakri ha i chait i khiah wa i khooid i jngiar (Sanitation Services).
Ki soo bynta wow pynkylla katkam ki kyndon ka sorkar toh (a) i pynkrehkaam yaka One Nation One Ration Card System, (b) wow pynsuk ya i khayi pateiñ, (c) i pynkylla ya ka rukom synchaar chnong (Urban Local Body), (d) i kylla wa yatoh wa ki kaam bordiñ (Power Sector Reforms).
Hadooh katni 10 tylli ki jylla da pynkrehkaam ki ya ka One Nation One Ration Card System, 7 da pynsuk ki yei khayi pateiñ wa 4 tylli da pynkylla ki yei rukom krehkaam ki chnong.
