U heh ka HSPDP uwa man leh u Montri ha ka sorkar MDA, u Renikton L Tongkhar da ong u wa i por dang tbian bha i wow yoh da kawi ka sorkar wow pynbait yeiwa duna. Ya ini da ong u Renikton hawa kylli hajrong i pynyoo ñia ka NPP wa ka UDP kiwa emlang ha ka sorkar synrop MDA.
Da ong u wa katni ym sñiawtoh de i por wow pynkhih, tangwa da toh i por wow e laad ya ki kaam wa ka sorkar toh u leh ko, wei wow ieh ha i bichaar ki paidbah.
U Renikton da ong u leh wa kani ka sorkar da leh ko yeiwa bha tam, lada nujor wa kiwi tawon ki sorkar neibhah hanla wan ka khlam la 2 snem leh ym em u e daw ko wow dam wanrah ya ki kaam pynroi cha ki paidbah. Da ong u wa kani ka sorkar da pyrchang ko leh wow pyndep ya ki kaam wa sahteiñ, wei iwa sakhiat hi toh wow pynhun ya waroh i kwah man i iwa eh.
