Ka Meghalaya mahajon bha ko ha ka bordiñ: Dr. Mukul

Shillong: U Montri Rangbah ka jylla, u Dr. Mukul Sangma da ong u wa ka jylla Meghalaya toh kawi na ki jylla kawa mahajon bha ha i liang i pynmih bordiñ tangwa ympu em u ye u pynkrehkaam ya ka yow ye u wanrah ya i roi i paar.

Hawa jubab yeiwa kylli u MLA ka UDP u Paul Lyngdoh ha ka sngi khaddooh ka dorbar tlang, u Dr. Mukul da ong u wa i em ka spah rymaw man ko kam u soh uwa sadu u khait donhi, wei em ka laad wa ka jylla ye ko u dai ya ka bordiñ cha ka ri Bangladesh.

Da ong u wa ka sorkar da pyndam ko ya ka soskular wa da yasoi ko wa kiwi ki Company wow chna ya ki project bordiñ neibhah wa ym em u man ki kiwa kitkhia kamwa da yakut.

Kawi na kini ki company toh ka JP Group, kawa dadep yasoi ha u snem 2008 tangwa da kylla dapram ko katni hajrong ini, ka sorkar da pyndam noh ya i yalok wa kani ka company wei yeini da ekti cha kiwi won.

Related posts

Kyntait u Bindo Lanong wym em kyrchaan u ya ka khon u ha kani ka Election MDC

February 25, 2025

100% sñiawskem u Madonbai Rymbai wow man kam u kyrtong wow jop

February 21, 2025

Chwa ini da wanrah ya kani ka phang da u Paul Lyngdoh da ong u wa sñiaw phylla u wa hanlada ka Meghalaya toh kawa mahajon wow pynmih bordiñ hadooh kamwa 500MW tangwa ka tnat pynmih bordiñ won man ko kawa dooh kawa dap du ka ram.

Da beiñ u yei wymhoi ka MeECL u krehkaam neibhah ya ka Leshka Hydro Power Project kawa da mang T. 300 klur tangwa da ku ko chadooh ka T. 600 klur wei ini pynyoo i ya i artatien ya i ye yong ka u kreh.