Ka 5th Meghalaya State League daw sdang ko ha ka 11 tarik uni u bnai wei daw man ko leh kawa heh dooh deiwa em 33 tylli ki Team kiwa da yahbhah ha ki 8 tylli ki Group.
Ka Mawlai SC kawa man kam ka Defending Champion ka MSL-4 ha u 2024, daw em ko ha ka Group C deilang wa ka Amlarem SC, ka Lamin XI SCC wa ka Laskein SCCC wei ki yalehke u pynman ha Amlarem.
Ka yalehke wa nyngkong u pynman ha SSA Stadium ha Shillong wa man ka Group A kawa emlang ka Nongkseh SSCC, Mawshun SCC, Khimusniang SC wa ka Umkaber SCC.
Ha Shillong daw pynman leh ki yalehke ka Group B ha ka madan ka MFA wei ha kani ka Group da em ka Nangkiew Irat SC, Mulang SC Nangbah, Mawlum Tyrsad SCC wa ka Mawphu SC.
Ha ka Group D da em ka Ladthadlaboh SC, ka Rymbai Shkenshynriah SC, ka Thangskai Tiger SC wa ka Jalaphet Moochut Pyrdung SC heiwa ki yalehke u pynman ha Khliehriat.
Ki yalehke ka Group E daw pynman ha Wahiajer kawa emlang ka Shillong Lajong, Lumphyrnai Lumsohphoh FC, Iatyllilang Lumsehkot SCC wa ka Lamyrsiang SCC.
Ki yalehke ka Group F daw pynman ha Mairang wei ha kani da em ka Langsning FC, ka Mission SCC, ka Umlakro FC wa ka Lawbah SC.
Ha Group G da em 5 tylli ki Team kiwa daw pynman ha Williamnagar wei kini toh ka A’chik SCO, Atong Matgrik FC, Maram FC, Balmanduri FC wa ka Janepih Youth SCA.
Ha ka Group H wa daw pynman ha Mawkyrwat da em ka Rangdajied United FC, Mawten SC, Mawlarshong SC wa ka Umdang SC.
Discussion about this post