Ka mukotduma pyrchah yei leh Delimination toh kawa khlem yurim: PN Syiem

U Deputy Chief Executive Member ka KHADC, u Pynshngaiñ N Syiem da ong u wa ka mukotduma kawa da em wa yaleh pyrchah yei pynbait thymme ya ki MDC Constituency toh ka wym em yurim neibhah i pynbait thymme wei i pynslem yaka Election toh jar jiar hi i kaam.

Kam wow kdaw heini da em uwi u bru wa da wanrah u da ka Writ Petition hapoh ka Meghalaya High Court hajrong i pnykhreh yow pynbait thymme ya ki MDC Constituency, wei kani ka mukotduma dang em ko hapoh ka High Court wei daw chong bichaar biang ha ki kajiak sngi wow wan.

Hawa kylli, u PN Syiem da ong u wa ka Writ Petition ym em yatoh ko wa i pynslem pynman Election wei ym em yurim ko, tangwa ye ko u rap khia du lada pynbna wa daw pynslem yaka Election, neibhah kamwa man kattæ iwa pyrchah toh bait du yei pynbait thymme ya ki Constituency.

Ha iwi won i liang, u Dy. CEM da ong u wa ka aiñ hapoh ka Sixth Schedule chah ko wow pynslem yei pynman Election hadooh 6 bnai ha ki District Council lada em iwon iwon iwa jhan. Da ong u wa ya kattæ ym pu ye wow ong iyi iyi lada daw pynslem næ daw pynman heipor, neibhah chong ha ka State Election Commission wow pynbna tarik.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Heiyatoh wa i pynbait ya ki Constituency da ka Delimitation Committee, da ong uwa ini chong ko ha u Lat lada sñiaw yatoh u wow pynsangeh chwa ya ka Election hadooh wa da pyndep yei pynbait ya ki Constituency.

U Pynshngaiñ da khana u wa ka Council da yoh ko leh yaka chithi na ka chnat District Council Affairs yong ka sorkar jylla, kawa da phah wow pynsmat u phah yaka Report yong ka Delimitation Committee. Da khana u wa kamwa man kattæ i pynbait da lai ko palat 50% iwa da dep, wei sah sa du wow pynbait pynbiang ya ki Report.