U Chief Secretary ka jylla, u DP Wahlang da khana u wa ha kani ka Election MDC da em 114 ngut ki kyrtong wa yakhun na Jaiñtia Hills Autonomous District Council (JHADC), wa kynthup ya 107 ngut ki chynrang wa 7 ngut ki kynthai.
Ha Khasi Hills Autonomous District Council (KHADC) da em 158 ngut ki kyrtong, wa kynthup 146 ngut ki chynrang katwa ki kynthai da em ki 12 ngut.
Da khana u leh wa ki thaw thap Vote ha Khasi Hills da em 1669 tylli wei na kini 129 tylli da chim wa kiwa ye u mih i kajia, katwa ki thaw thap Vote ha Jaiñtia Hills da em ki 477 tylli wei na kini da em 95 tylli kiwa ye wow mih kajia.
Chooh chooh da khana u wa kiwa thap Vote ha Khasi Hills da em ki 9,96,518 ngut wei ka Constituency wa boon dooh kiwa thap Vote toh ha Mawlai kawa em hadooh 49,841 ngut, katwa ka Constituency wa duna dooh kiwa thap Vote toh ha Jaïaw kawa em 17,148 ngut.
Ha Jaiñtia Hills da khana u wa kiwa thap Vote da em ki 3,12,300 ngut wei na kini ki Constituency kiwa thap Vote wa boon dooh toh ha Muthlong-Sohkymphor kawa em 14,167 ngut wei kawa duna dooh toh ha Sumer kawa em 8305 ngut.
Discussion about this post