Heiyatoh waka aiñ AFSPA, ka National Human Rights Commission (NHRC) da ong ko wa ym ye ko wow pyndam noh ya kani ka aiñ wei yeini ye u leh du deiwa yaleh mukotduma lada ka aiñ toh kawa tyngkheiñ ya ka riti synchaar wei ka wym ye ko u man aiñ.
Da ong leh wa ka NHRC ym ye ko wow ong wa kawon ka aiñ ka wym biang tangwa lada em iwa jia deiwa pynkrehkaam ya kani ka aiñ, ye ki bru wow ujor hakhmat ka Commission. Wei ye hi leh wow tyrwa wow pyndam noh ya ka aiñ.
Ka NHRC da ong ko wa dei mon yong ka hi hawa em i jia ha Nagaland wa chah tynyap ki bru paidbah ym jooh em leh thlah wei da chimkhia yeini deiwa phah ya ki bor sorkar wow leh ki yeiwa emkaam.
Ka Commission da pyntip ko leh wa lada em i jia wa yap ha kti ki pulit, ki bor wa toh u pait yeini hap ki wow pyntip cha ka Commission hapoh 48 kynta. Wei hadien wa takit lada chem wa em iwa leh pyrchah aiñ da phah su cha kiwa emyatoh kiwa yap wei ya kiwa emkti da lai chakhmat katkam ka aiñ wei da em leh kiwa da chah beh kreh.
