Da: Ka Risalanaki Laloo
Ka ongthai toh ka tiar,
Wa da chna da u bru pûrthai,
Dei yumut yow lait ware u sepai,
I por yong i ki bru pûrthai.
ADVERTISEMENT
Tangwa mar dei kûlla,
I por yong i katni da sepai sa du ha ka;
La kai khon khian wa sûndong i ka,
Cha-wah cha-ñein wa rah i ka.
Ûm em por de i u ya parom ya khana,
Kamwa dang mûnchwa;
Khûnnah, waheh, waroh,
I khmat sa du ha ka.
Ka ongthai man ko
Ka chakri kawa bha,
Tangwa chi yoh ko u sûnchaar da ka,
Kattæ tæ da ma.
To ûn khûrngiat yong bru noh i,
Yōw sûnchaar noh i da i ya ka;
To ûn pûllait por noh i u chongke, u parom-u khana,
Wa ka bei u pa, ki payu para.
