Da u Pynsakhiat Yeini Kyndiah, Loompyrdi Iongpiah Jwai
Ka Phali ka yuspong wa em i dor yong ka,
Wow pynkup yei maiñ i kun u Kñi u Pa.
La ha ka dorbar sorbar ha khim næ ha lait,
Yoo phnger kiwa bichaar kiwa pait.
I burom wakhroo yong u Kñi u Pa,
Wow sai yow thylliej wa em ka ñia.
Ka Phali Ka Yuspong toh kawa khia,
Wow kob yei kyrdan u Kñi u Pa.
La ha ka dorbar sorbar u ya chong,
Wymye u e thylliej khlem ka Phali ka yuspong.
Nadooh narim wa sikai ka Dustur,
Ka Phali ka Yuspong wa em i dor i mur.
Ini i wymtoh iwa dang thymme,
Iwa dadep pynchong nongrim nadooh nynde.
Lada ha ki kaam ka niam chongkha,
Em ka hukum wow spong u Kñi u Pa.
Ki khor ki khriam kiwa em i rong,
Kini sakhiat kitæ ki Yuspong.
Tre-kirot me hi wow wai ka luti,
Yoh u biang lut waroh ki Kñi.
