Shillong : Ka Indian Army daw pynman ko ya ka Recruitment Rally ya ki chynrang ha Dikki Bandi Stadium, Tura ya waroh ki 11 tylli ki district hapoh ka jylla Meghalaya nadooh ka 2-8 tarik u Naitung (April) 2017 nadooh 5 waje i step.
Kani ka Recruitment Rally toh neibynta i kreh kaam Soldier General Duty, Tradesman, Soldier Technical wa Soldier Clerk.
Ya i Soldier General Duty wa Tradesman, ya ka sngi wow jied ya ki da booh ha ka 2 tarik u Naitung, 2017 ya ki District East Khasi Hills, West Khasi Hills, South West Khasi Hills, West Jaiñtia Hills wa East Jaiñtia Hills. Ha ka 3 tarik ka sngi wa bood daw pynman ya ki District South Garo Hills, East Garo Hills wa Ri Bhoi katwa ha ka 4 tarik won ya ka West Garo Hills, North Garo Hills wa South West Garo Hills.
Yow sylli ya ki kot ki sylla kamjooh yei chait i khiah yong kiwa chah jied daw pynman ha ka 5 hadooh ka 8 tarik. Ya ka Written Test daw pynbna ha ka tai ka tarik wa khadooh wei daw saam leh yak i Admit Card chwa kiwa chah jied.
I snem yong kiwa thap kreh toh u nadooh 17 ½ hadooh 21 snem ya i kyrdan Soldier General Duty katwa ya kiwi won i kreh toh u man 17 ½ hadooh 23 snem. Waroh kiwa wan, haap ye ki u phet 1.6 KM kamjooh wa kiwi ki test yei biang i doh i prang yong ki.
Ya i yutip wa rap bniah ye phi u yoh na Recruiting Office Headquarters, Shillong kamjooh leh na ki Army Recruiting Office. Ye leh u phone ha uni u number 0364-2506581.
Ya ka Registration haap u leh Online don hi.
Discussion about this post