Jowai: Wow pynlait ya ki khynnah nei duna ki baam wa tei yei doh i pran ki khynnah wa nadooh dang kha hadooh 6 snem, wa kynthup leh ya ki manbei wa punkhon, ha Ka East Jaiñtia Hills District lyngba ka yung krehkaam u Deputy Commissioner ka District ha uni u bnai daw pynman ko ya ka Rashtriya Poshan Maah ha kylleiñ ki thaw ka district wow pynsñiawthooh hajrong i emkaam wow pynbiang ya ki baam wa tei yei doh i pran.
Hawa yaklam wa kiwa pathai khubor u Deputy Commissioner, u F.M Dopt hei emlang kiwa kreh ka ICDS da ong ki wa waroh ki khynnah wa ki manbei wa punkhon toh u yoh ki yei baam wa tei, khnang wow lait ki nei duna i khia, wow pynduna ya ki kjut waphær waphær katkam ka rta wa kiwi, neibhah lada duna baam daw ktah bha ko yei doh i pran ki khynnah.
Kamtæ wow pynsñiawthooh yei emkaam ki baam wow tei yei doh i pran ha uni u bnai daw pynman ya ki mela, rally, ka drawing, painting, quiz, debate hajrong ka phang wa emkaam wow biang i baam ha i doh i pran khnang wa ki paidbah u tip wei wow sñiawthooh ki yei kordor i biang ki baam wa tei.
Discussion about this post