New Delhi : Ka company wa na ka ri Spain wa tip kam ka Talgo da pynman ko ya ka test wa khaddooh ya ka High Speed Train ka wa lai na Delhi heipor 2:45 i sngi wei wow poi ko ha Mumbai heipor 2:34 i step iwa pynduna 4 kynta i chimpor lada wyrchaw wa ka Rajdhani wa chimpor 16 kynta yow lai na Delhi cha Mumbai.
I jngai na Delhi hadooh ha Mumbai toh 1,400 Km wei kani ka rel (train) da pyndep ko ki heipor wa 12 kynta deiwa poi hadooh 150-160 Km/h i speed.
Ya kani ka train ym emkaam u chna thymme ya ki luti lai (track) wow pynemkaam ko wei man ko kawa suk u pynkhooid ya ki coach yong ka lada nujor wa ka Rajdhani wa ka Shatabdi.
Waroh ki coach em ki ki miej, ki light puræ kot kamjooh ki thaw ap sur wei wow pait phlim wa ka air conditioner.
Discussion about this post