U Montri Rangbah ka jylla, u Conrad Sangma da ong u wa i lait tooh ka Interim Report ka CAG cha ki laad pathai khubor ym toh iwa miat.
“Ini da wanrah ko yei sñiawthooh bakla, wei da paan pynche, neibhah yow e yei rai du na kani ym toh iwa bha,” da ong u Montri Rangbah.
Katkam wa ong u Conrad, i rukom krehkaam ka CAG toh deiwa thoh chwa cha ki chnat sorkar yow paan pynche hajrong kiwa boon ki kaam.
“Kamtæ ini toh du i yaklam kini ki chnat wei ym toh u poi ko cha ki laad pathai khubor,” da ong chooh chooh u.
Katkam wa ong u, ya ka CAG Report toh u wanrah chwa ha ka yung dorbar chwa wow e paidbah ka.
Kam wow pynkynmoo wa kani ka Interim Audit Report da ong wa ye u em i sepai ka poisa T. 149 klur hawa pynkrehkaam ya ka Saubhagya Scheme ha Meghalaya.
