U MLA ka BJP na Pynthorumkhrah, u Alexander Laloo Hek da pynsñiaw u yei kyrchaan wow pynbait thymme noh yei rukom bhah kreh namo ka Reservation Policy ha ka jylla, wei hajrong ini da klam u leh hapoh ka yung dorbar chna aiñ ha ka yatai ya ka Resolution wa da wanrah da u MLA ka North Shillong, u Adelbert Nongrum.
Da ong u wa sñiaw yatoh wow paitbniah biang ya ka Reservation Policy tangwa toh u sñiawthooh kammon wow pynkylla deiwa pynrap wa hadooh katni ki Khasi-Jaiñtia da yoh bhah 40%, ki Garo 40% katwa ya kiwi da mang 20%.
Katkam i ong u Hek, i pynkylla lane i pynbait thymme toh u em khlem da pynkhih won ya ka 40%-40% ka bhah yong ki Khasi-Jaiñtia wa Garo, tangwa da pynsñiaw u wa na katai ka bhah da toh u mang kyrpang 40% du ya kiwa wan na ki manyung wa dooh wa duk wa kyrdooh wa kiwa jynjar, kiwa toh na ka jaitbru Khasi, Jaiñtia wa Garo khnang wa ki leh u ye ki wow ku kamwa man kiwi won.
