U Ardent Miller Basaiawmoit uwa man uwa yahkhmat wa ha khliehdoohh ka Voice of the People Party (VPP) da ong u wa ka yakhih yow pynbait thymme ya ka Reservation Policy ym mut du wow pynlai yumut neibynta wow yoh kaam sorkar.
Tangwa da ong wa ini toh kammon ka Policy daw pynsñiawthooh ko ya ki bru wym toh u sarom ki yei kaam wei yow pynpliah ki khynroo khyllood ya ki sap wa em ki wa ki kaam kiwa ye wow pynkhlan yei kamai kajih wei pynsñiawhun ha ki kaam wa kreh ki.
Heijooh i por u Ardent da ong biang u wa ka Reservation Policy ym kut ko du ha ki kaam sorkar, tangwa toh u em leh ha kiwa boon ki kaam yong ki Company ki bru samen (Private Sector) wei ini toh kawi ka bynta wa ka sorkar hap ko wow chimkhia yow yoh myntoi ki khon khynroo khyllood.
