Jowai : Ka yalehke 2nd Division ynne ka sngi da yaleh ha pyrdi ka Umshangiar wa ka Lumchyrmang Mihmyntdu.
Ka yalehke man ko kawa yoosuk bha heiwa ka Umshangiar da jop ko 3-2.
Ha ka kylla step ka Umshangiar da yoh ko u thap le kool ha ka minit wa 13 lyngba u Tyrshain Phawa, ha ka minit wa 32 lyngba u Wima Passah wa u Ritmi Shadap ha minit wa 45. Ka Lumchyrmang da ye ko u su du chi kool ha ka kylla step ha ka minit wa 34.
Ha ka kylla miet won ka Mihmyntdu won da yoh ko u su sa chi kool ha ka minit wa 61 lyngba u Jespermind Papang ha ka minit wa 61.
Ha ka kyrdan Super Division won da yaleh ha pyrdi ka Khimusniang wa ka Shangpung Moosyiem heiwa ka Khimusniang da jop ko 3-2.
Ha ka kylla step ka Shangpung da yoh ko u thap chwa ha ka minit wa 22 lyngba u Emdor Langstang katwa ka Khimusniang won da su ko ar tylli ki kool ha ka minit wa 33 lyngba u Wansalan Suting wei pynbood won sa u Heisuk Passah ka minit wa bood.
Ha ka kylla miet won ha chwa u kut ka yalehke da yoh ka Shangpung u thap sa ka wi ka kool ha ka minit wa 90+2.
Discussion about this post