Ka Cadenza School of Music Shangpung da pynkhe ko ya ki Ticket Lucky Draw yong uni u snem ha ka 29 tarik uni u bnai ha Khliehmushut Shangpung ha pchem ka skur heiwa ha kani ka sngi da pynman ya ka yalang deiwa emlang u MLA ka Raliang Constituency, u Comingone Ymbon kam u kongsan wa u BDO ka Laskein Block, u Barister Niang kam u symbood kongsan deilang wa kiwi de ki kynrem ki lyndan kiwa da e bor e mynsien ya kani ka Music School wow nangku chooh chooh chaphrang.
Neiliang yong kiwa pynlai yong ka skur da e khublei ki ya waroh arngut ki kongsan deilang wa kiwi kiwa emlang ha katai ka sngi, wei da pyn-ehdaw eh-nasib ya ki wow nang yoh ki yei doh i pran wa chait wa khiah wow nang ye wow chakri rap bha ya ki paidbah neini chakhmat.
Ka skur leh da e khublei ko leh ya u Dr. Pynsakhiat Law wa da pynlait paidbah u ya ki Ticket Lucky Draw ka skur ha ka 01-10-2022, heijooh i por ka skur da kitbok ko ya oo ha ki kaam ki jaam yong oo neini chakhmat.
Da e khublei kyrpang u leh ya ki dkhot kiwa pynlai ya ki Ticket Lucky Draw, ya u DC ka West Jaiñtia Hills wa da e bor ya ka skur wow pynman ya kani ka Lucky Draw, ya ka Dorbar Chnong Khliehmushut Shangpung wa khamtam ya ki paidbah kiwa da e kti timun tidiang wow kyrchaan ya ka skur.
Ka School Managing Committee da kyntu ko ya kiwa jop ya ka Lucky Draw wow wan chim ya ki Prize yong ki hapoh i por wa da booh ha ki kyndon ki Ticket yong phi.
Ki Number kiwa pam ya ki Lucky Draw man ki kamni ha wah:
1st Prize-03618
2nd Prize-13647
3rd Prize-04028
Consolation:
13240
15271
01895
08010
04117
Ka kyrwoh na u Kenneth Anderson Iakai, Secretary ka Cadenza School of Music Shangpung.
