Jowai : Ha ka yalehke 3rd Division ha pyrdi ka Mukhla Raij pyrchah ya ka Chyrmang Neiñ ka Chyrmang da jop ko 1-0 da ka kool wa thap ha ka kylla step da u Benny Dkhar ha ka minit wa 10.
Ka kylla miet da neh ko khlem em de wa ye u thap kool katwa pyrchang ki ar liang leh.
Ha ka 1st Division da yaleh ha pyrdi ka 7 Wasa wa ka Lumpariat. Ka yalehke man ko kawa yakhaaid bha heiwa ha ka kylla step pyn arliang da yoh ki ki laad wow thap ya kiwa boon ki kool tangwa hadooh wa kut ym em wa yoh u pynkhih ya ka jaar.
Ha ka kylla miet won ka 7 Wasa ym em pynsepai ko ya ki laad wa da yoh ko heiwa ha ka minit wa 53 da thap ko ya ka kool wa nyngkong lyngba u Felixson Bang wa ha ka minit wa 77 lyngba u James Tongper.
Discussion about this post