Ka result semi final yong ka Umlyngsha Inter Dong Football League

Khliehriat: Ka yalehke ynnin ka sngi ha pyrdi ka Dong Main Road FC wa ka Dong Pyrdi FC heipor 1:30 i sngi da man sakhiat ko kawa pynyoo suk ya kiwa paitke khamtam wa kini ki Dong toh kiwa yaknieh u psiah final ha ka “1st Umlyngsha Inter Dong Football League” kawa pynman da ka Umlyngsha Youth Society And Sports Club (UYSSC), East Jaiñtia Hills Dist. Khliehriat.

Ka Dong Main Road FC da yachem ko wa ka Dong Pyrdi FC heiwa da jop  ko 3-0 ya ka Dong Pyrdi FC deiwa thap u Shanda Mylliem ya ka kool wa nyngkong ha ka minit wa 18 ha ka kylla step.

Ha ka kylla miet ka yakhun da man ko kawa yathaiñ bha khamtam neiliang ka Dong Pyrdi da pyrchang ko u su kylliang ya katai ka kool ka Main Road katwa wym em biang kiwa thap kool ya ka tæ sepai ki kabu wa yoh ko kat kamtae ha ka minit wa 56 da yoh biang ka Dong Main Road u thap lyngba ka kool na u Toni Talang, bood sa ka kool na u Heh Rymbai ha chwa u kut i por yalehke.

Ha kawi won ka yalehke katæ heipor 3 waje nohchariñ sngi ha pyrdi ka Dong Khadlynraw FC wa ka Dong East Colony heiwa ka Dong Khadlynraw da jop ko hadooh 6-0 deiwa thap nyngkong u Baitmon Rymbai uwa da thap leh 4 kool kitæ ha ka minit wa 7, 18, 33, 46, bood sa ka chi kool na u Briwell suchiang ha ka minit wa 26 wa na u Pyndap Rymbai chi kool ha ka minit 59.

Related posts

Khut ka MFA ya ki khynnah yow chah jied hapoh ka Academy wa dang sdang thymme ko

January 29, 2026

Khaddooh da yoh bor wow pynman ya ka Final ka Super Division ka WJDSA

January 29, 2026

Hanlada jop ka Dong Khadlynraw leh da dooh ko u psiah final deiwa tam kool ka Dong Pyrdi ya ka ha ki kool wa chah thap ko, kamtæ da yoh ka Dong Pyrdi u psiah da ka.

Ka yakhun final u man ko ha pyrdi ka Dong Main Road FC wa ka Dong Pyrdi FC heipor 2 waje ha ka 13 tarik u Ñaisaphra ha madan Umlyngsha.