Jowai : Ka yalehke Semifinal yong ka 3rd Republic Day Cup, U-12 Football Tournament da pyndep ya ki ynne ka sngi hei por 10 waje i step.
Ka Mukhla Raij da pynrem ko ya ka Nangbah Pohchnong da 2-1. Ya ki kool ka Mukhla Raij da thap da u Phalangki Sumer ha ka minit wa 33 wa u Ahuni Suna ha ka minit wa 51. Neiliang ka Nangbah Pohchnong da thap u Arwanjopki Phawa ha ka minit wa 53.
Ka Mulang Ialong won da pynrem ko ya ka Dulong da 8-7 lyngba ka chut Tie-breaker hadien wa kut ka yalehke mar chi kool. Ya ka kool ka Mulang Ialong da thap da u Charelang Mulieh ha ka minit wa 37 katwa ya ka Dulong da thap da u Diangheimonmi Kyndiah ha ka minit wa 56.
Ya ka yalehke Final daw pynman ha kani ka 26 tarik.
Discussion about this post