Jowai : Ka Semifinal wa nyngkong yongka Tiger Five Football Tournament da pynman ynne ka 23 tarik ha pyrdi ka Elsa SC pyrchah ya ka Chiruplang SC ha madan Chilliangraij, Jowai da man ko kawa yoosuk weiwa pynhun ya ki paidbah wa wan paitke.
Ha ka kylla step yong ka yalehke ka Elsa SC da yoh chwa ko u pynkhih ya ka jaar haka minit wa 15 lyngba u Mayalang Lanong Jersey No. 8. Neiliang kiwa yalehke yong ka Chiruplang SC da pyrchang ki wow su ya kani ka kool tangwa hadooh wa kut ka kylla step yong ka yalehke ym em u yoh ki wow pynkhih ya ka jaar.
Haka kylla miet yong ka yalehke, ka yakhun na waroh arliang man ko kawa yoosuk wa yathaiñ bha wei hadooh wa poi ka minit kawa 41 ka Chiruplang SC da yoh ko wow su daka kool wa thap da u Thun Tariang Jersey No. 15.
Kiwa yalehke ka Elsa SC da sdang ki u sai yei buit i budia yalehke yong ki yow yoh u pyntam ya ka kool. Ha ka minit kawa 52 u Shan, Jersey No. 13 da yoh u wow thap ya ka kool wei lyngba kani ka kool, ka Elsa SC da man ko ka dhab kawa jop 2-1 ynne ka sngi wei man haroh ko ka dhab wa nyngkong wa yoh u psiah cha ka Final yong kani ka Tiger Five.
Mynstep ka 24 tarik heipor 3:30 i janmiet ka Umshangiar SC wa ka We United u yaknieh ki yei naam jop neibynta wow psiah chaka Final.
Yaka Final yong kani ka Tiger Five Football tournament 2016 u man ko ha ka 28 tarik .
Discussion about this post