Ka result semifinal wa le ka Super Division ka WJDSA

Jowai : Ka yakhun semifinal wa le yong ka Super Division ka West Jaintia District Sports Association (WJDSA) da poi ko cha ka kynti yakhun psiah cha ka final næ ka Semi Final ha Kiang Nangbah Stadium, Jowai.

Ynne kani ka yakhun da man ko ha pyrdi ka Sohmynting SC wa ka  Moosyiem Shangpung SC da man ko kawa yathaiñ bha.

Nyngkong mar ya sdang ka yaleh da man ko kawa da pynyoo ki nongyaleh jar jar i sap yalehke yong ki heiwa ha ka minit wa 20 ka Sohmynting SC da yoh laad ko u thap ka kool lyngba u Lastborn Suting heiwa u wa yang kool ka Moosyiem da yaleh u wow kem ya ka bol tangwa sihbhah noh u wa heipor wa kynthih u yo kem ya ka da haap u hadien u laiñ ka jaar kool iwa pynman ya ka Sohmynting SC u yoh thap ko ya ka kool wa nyngkong.

Ki nongyalehke ka Moosyiem Shangpung SC da sai ki yei buit wow su kylliang ya kani ka kool weiwa ha ka minit wa 38 da yohlaad ko u thap lyngba ka kool na u Kitboklang Lyngdoh. Ya kani ka kool da yoh u thap ya ka hadien wa yohlad ka Moosyiem u chut penalty tangwa u kool da ye u khang ya ka bool ka wa da uiñ biang cha ki player ka Moosyiem kiwa da yoh laad biang u thap ya kani ka kool. Neitæ hadooh wa kut ka kylla step da neh ko mar chi chi kool.

Related posts

District Cricket League: Jop ka Goodwill Mupliang ya ka Tympang

February 24, 2026

Jop ka Ummulong ha ka yalehke wa sdang ka District Cricket League 2026 ka WJHDCA

February 23, 2026

Ha ka kylla miet won da man ko ka yalehke kawa yoosuk heiwa pynarliang da leh dohyap ki yow pynpsiah cha ka yakhun Final yong ka Super Division 2015 tangwa embhah noh ka Sohmynting SC heiwa da yohlad biang ko u thap ya ka kool lyngba u Meker Suting ha ka minit wa 67 yong kani ka yalehke.

Na ini i jop ka Sohmynting SC da psiah ko cha ka final heiwa daw yakhun ko pyrchah ya ka Sabah Muswang SC.