Ka result yakhun yalehbool neibynta ki khonswet

Jowai : Ka yakhun Football wow pynmih poisa ya ki khonswet ka KJP Synod Mihngi, Wahiajer Orphanage da pynman ya ka ynne ka sngi ha pyrdi kiwa rah yei naam jop ha ka Super Division ka East Jaiñtia wa ka wa rah 1st Division ka West Jaiñtia District ka wa pynman da ka 7 Wasa United Sports & Cultural Club ha madan Kiang Nangbah Stadium.

Ya kani ka yakhun da pynyaleh hapyrdi ka 7 Wasa United FC kawa jop ya ka 1st Division ha West Jaiñtia pyrchah ya ka Khliehriat West kawa jop ya ka Super Division ha East Jaiñtia.

Ha ka yakhun nadooh wa sdang ka yalehke ka 7 Wasa man ko ka dhab wa khlan tangwa waroh ki laad wa yoh ko wow thap kool da pynsepai ko hadooh ka chut penalty wa yoh ko ha ka kylla miet.

Ka kylla step da kut ko khlem em wa yoh u thap kool kamjooh ha ka kylla miet.

Related posts

Ka Ladrymbai United pyrchah ya ka Kur Suchen Bataw ha ka Final ka Prize Money Knockout Football Tournament ka WSCSO

November 13, 2024

1st Division EJHDFA: Psiah Semi ka Diengshynrum wa ka Iatyllilang SC Hingaria

November 13, 2024

Ya i rai ya kiwa jop da pynman da ka chut Tie-breaker.

Da chut nyngkong da u wa yalehke ka 7 Wasa tangwa da lai ko cha rood katwa ka Khliehriat won da ye ko u thap kool.

Ka 7 Wasa won da yoh ko u thap kool ha ka chut wa ar yong ka kamjooh leh ka Khliehriat.

Hei chut wa le won ka 7 Wasa da thap ko katwa ka Khliehriat leh da thap ko.

Hei chut wa soo won pyn ka 7 wasa da yoh ko u thap, kamjooh ka Khliehriat leh da thap kool ko.

Hei chut wa saan ka 7 Wasa da thap ko katwa ka Khliehriat won da toh ha u dien kool.

Kamtæ ka 7 Wasa da jop da 4-3 deiwa chut Tie-Breaker.

Ha kani ka sngi da pynmih poisa tam 10,000 nei bynta ki khonswet.